يعنى ايه راجل

يعنى ايه راجل؟؟؟؟

فى ناس بيرضعو غباء فاهمين الرجوله غلط

لكل الناس اللى ذكاءهم محدود وتخطى كل الحدود احب اشرحلك الراجل من وجهه نظر البنت

يعنى امتى ابقى شايفة ان دة راجل بجد وامتى اعرف ان ده عيل سيس والخمسة منه فى كيس

بص يا حبيبى

مش معنى صوتك العالى انك راجل

ومش معنى انك تقفش على كل كبيرة وصغيرة

سواء لبس او خروج او شغل او صحاب انك راجل

لو انت مش عارف يعنى ايه رجوله تعالى وانا اقولك يعنى ايه رجوله لانى اكيد انا ارجل بكتير من التفاهات اللى بترغى فيها دى

الرجوله انها وهى ماشية معاك تبقى حاسة انها متغطيه بيك ... محدش شايفها .. حاسة بانها متأمنه بيك . مش اول ما حد يقول كلمة ولا يعاكس عشان هو اهله مربهوش تروح باصصلها وقايلها انا مبحبش الزفت الطقم اللى انتى لابساه دة .... دة بدل ما تهزق اللى شافها ماشية مع جحش وبرضة اريلك وعاكسها عادى

الرجوله انك لما تدخل مكان تحس ان فى حد مسئول عنها مش هى اللى بتدخل تحاسب ليك وليها ولا كأنها ماشية مع سوسن. وخصوصا لو كانو مخطوبين دى بتبقى مصيبة بجد يقولها لا انا هعزمك المرة دى فتقوله لا انا هعزمك فيقولها ماشى

على فكرة انت لو وديتها احقر مكان وعزمتها على حاجة باقل سعر هتبقى مبسوطة عشان هى حاسة انها مع راجل وعاوز يفرحها وباقل حاجة بس من ايده هو وبرجولته هو .... وتبقى غبية لو مقدرتش دة

بس النوع التانى دة  بجد انت فعلا مقتنع انك راجل  وهى داخله تحاسبلك ... دة انا باحس الموزمبليه هياكل منك حتة فى الموقف دة

... مصدق بقك بعد كدة لما تقفشوا وتقولها انا راجل

الرجوله لما تعيا تلاقيك واقف جنبها سند ليها مش تروح مثلا معاها العيادة وتبقى مش طايق نفسك ان فى ناس كتير وان الميعاد هيتأخر ... لا رجوله فعلا المفروض بقى تعتذرك عن انها عييت صح ؟؟

الرجوله لما تبقى خارجة معاك تروحها لحد البيت مش تسيبها تروح فى الايام السودة دى لوحدهاااا وتقولها اول ما تروحى طمنينى ... ياختى كميلة ... انجغه اكتكوته ... جميل اموووووو يا حلوة .... وتقفش قوى لو متصلتش طمنتك انها وصلت  اتوغوشتى يا بيضاااااا ... لا راجل فعلا .

الرجوله مش انك تخوفنى منك فاعمل اللى انت عاوزة

لا الرجوله انه من كتر م انت حنين وبتحترمنى وبتقدرنى وبتحافظ عليا ابقى انا مش عارفة اعمل ايه ولا ايه عشان ارضيك لانك ساعتها هتبقى تستحق احلى حاجة فى الدنيا

ساعات ناس بتسألنى انا انتى ليه مسترجله

اقولك اضنايا انا ليه مسترجله

لانى مش لاقيه حد احس انى اقدر اتطمن ابقى بنت معاه

عارف يوم ما احس انك انت راجل انا ساعتها هبقى بنت ... لكن اذا كنت انت مش راجل فلازم حد فينا يطلعله شنب والتانى ينزل قووووصه من التحجيبة

لما انت تسترجل انا هستبنتت

ايفون نبيل